Ақтауда бала бесінші қабаттың терезесінен құлап, мерт болды

Оқыс оқиға 25 сәуір күні кешке 17-шағын ауданда болған. Төрт жасар бала көпқабатты үйлердің бірінің бесінші қабатының терезесінен құлап кеткен. Бала оқиға орнында көз жұмды. Бұл туралы Stan.kz ақпарат агенттігі хабарлайды. 

Фото: Видеодан скрин

Оқиға куәгерлерінің айтуынша, қайғылы жағдай 25 сәуірде, шамамен сағат 18:00-де 17-шағын аудандағы "Дукат" тұрғын үй кешенінде болған.

• "Зорланудан қорқып, терезеден секіріп кеткен": Алматыда бойжеткенді 5 жігітке сатамыз деп қорқытқан қыздарға сот үкім шығарды

• Семейде зауыттағы жарылыс кезінде жұмысшылар өмірін сақтау үшін терезеден секіріп кеткен: Кәсіпорын иесінің кінәсі дәлелденді

Төрт жасар бала бесінші қабаттың терезесінен құлап кетті.

“Бала алған жарақатынан оқиға орнында көз жұмды. Сот-медициналық сараптама тағайындалды. Оқиғаның мән-жайы анықталып жатыр”, – делінген Маңғыстау облысының полиция департаменті хабарламасында.

Айта кетейік, бұған дейін 17 сәуірде №72 мектеп-лицейдің 8-сынып оқушысы білім ошағының төртінші қабатының терезесінен секіріп кеткені туралы жазған едік.